Promovimi i Projektit Digi4Wearable 11-12 Dhjetor 2024

3-rd SmartTecStyle Konferenca 2024

Nga 11 deri më 12 Dhjetor 2024, u organizua takimi i tretë SmartTecStyle Konferenca 2024 nga ITES (Instituti për Sistemet Teknike të Energjisë) në Bielefeld Universiteti i Shkencave të Aplikuara dhe Arteve. Konferenca mblodhi një numër të madh pjesëmarrësish që ndanë idetë dhe arritjet e tyre në fusha të ndryshme të industrisë së tekstilit dhe veshjeve.
Në kuadër të kësaj konference, përfaqësuesja nga Departamenti i Tekstilit dhe Modës, Prof. Asoc. Dr. Tatjana Spahiu pati mundësinë të mbajë një prezantim online mbi Projektin Digi4Wearables me titullin:
“PLATFORMA E E-LEARNING: NJË METODOLOGJI INOVATIVE TRAJNIMI PËR INDUSTRINË E KËPUCËVE NË KUADËR TË PROJEKTIT EVROPJAN DIGI4WEARABLES”, 12 Dhjetor 2024.
Programi interesant i konferencës përfshinte tema të lidhura me qëndrueshmërinë në industrinë e tekstilit dhe veshjeve, si dhe tranzicionin e kësaj industrie drejt zero karbonit dhe zero mbetjeve. Organizimi i konferencës ishte një mundësi e shkëlqyer për të prezantuar komunitetit akademik projektin DIGI4WEARABLES dhe platformën e E-Learning-ut. Studentët, që ishin pjesë e konferencës, u ftuan të bëhen pjesë e platformës së E-Learning-ut për të mësuar më shumë rreth produkteve të këpucëve dhe përdorimit të mjeteve digjitale për zhvillimin e tyre.